İşğalli Qırım şuralarınıñ "Yedinaya Rossiya" firqasından yedi mebusı qanunsız saylavlarda iştirak etkeni içün duşmannen işbirlik faaliyetiUkrayina CQniñ 111-1-nci maddesiniñ 5-nci qısmınde şübheli sayıla. Bu areketleri içün olar 10 yılğa qadar apis cezasını ala bileler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, Ukrayina vatandaşları "Yedinaya Rossiya" firqasınıñ namzetleri olaraq öz isteginen qayd etildi ve Yalta ve Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) saylav kampaniyasında iştirak ettiler.
Dört şübhelengen adam "Yevpatoriya şeer şurası"na, digerleri "Yalta şeer şurası"na saylavlarda iştirak ete edi. Qanunsız saylavlardan soñ olar "III çağırılış mebusı" mandatlarını aldılar, olar alâ daa şu vazifelerde bulunalar. Olar öz vazifelerinde Rusiye Federatsiyasınıñ siyasetini amelge keçireler ve işğalli akimiyet organlarınıñ çalışmasına yardım eteler.
Daa evel "saylavlar"da iştirak etken üç işğalli şura mebusına şübhe aqqında bildirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
