Ukrayinada işğal etilgen Qırımdan eki sabıq mahkemeci 13 yılğa mahküm etildi. Olarnı devlet hainligiUkrayina CQniñ 111-nci maddesiniñ 1-nci qısmınde qabaatlı tanıdılar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Prokurorlar, yarımada işğal etilgen soñ mahküm etilgenlerniñ antlarını bozıp, duşmanğa hızmet etkenlerini isbatladılar. Hususan, olardan biri "Yigirmi birinci arbitraj apellâtsiya mahkemesi"niñ mahkemecisi, digeri ise — işğal etilgen Sevastopol (Aqyar — terciman) Lenin rayon mahkemesiniñ mahkemecisi vazifesine tayin etildi", — dep haberde qayd etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
