Sinoptikler Qırımda arman aynıñ 23, raatlıq künü küçlü yağmurlar olacağını bildireler. Burçaq ve küçlü yel ola bile, fevqulâde haberdarlıq berildi.
Bu aqta Fevqulâde vaziyetler nazirliginiñ işğal idaresinde haber ettiler.
"Havflı gidrometeorologik adiseler aqqında acele haberdarlıq: arman aynıñ 23 kündüz Qırımda yer-yerde küçlü yağmurlar, kök güdürdileri, burçaq, 15-20 m/s suratlı burçaqlı küçlü yel beklenile", — qayd etile haberde.
Avanıñ yaramaylığı sebebinden işğalciler Qara ve Azaq deñizleri yalısındaki skelelerde ve yalı boyunı pekitüv qurulışlarında bulunmaq havfı aqqında haberdar eteler.
Hatırlatamız, evelden işğal etilgen Qırımda arman aynıñ 19-23 devirine fevqulâde yanğın havfı sebebinden acele haberdarlıq ilân etildi.
Telegram, WhatsApp, Facebook ve YouTube-ta Suspilne Qırım haberlerine abune oluñız
