İşğalli quvetçiler bildirdiler ki, işğal etilgen Qırımda ruslarnı aldatqan "telefon merkezleri"ni teşkil etüvde iştirak etkenlerni tuttılar. "Ukrayin kuratorları" "shemalar"nı teşkil etüvde qabaatlanalar.
TASS Rusiye devlet agentligi, işğalli FSBniñ Qırımdaki idaresine atfı etip, bunı bildirdi.
"Rusiye İçki işler nazirliginiñ mahsus tehnikiy tedbirler bürosınen beraberlikte, FSB malümatına köre, ukrayin telefon merkezleri tarafından qullanılğan bağ ağları yoq etildi. FSB hadimleri Rosgvardiya yardımınen Tataristan Cumhuriyetinden eki teşkilâtçını tuttı. 1988 ve 2005 seneleri doğğan adamlar, ukrayin mütehassıslarınıñ talimatına köre, SIM qutularını yerleştirmek içün Simferopoldaki dairelerni kiraladılar", — dep beyanatta qayd etildi.
Qırımdaki Rusiye mahsus hızmetleri tutulğan Tatarstandan adamlar çetelden ruslarğa telefon etken, özlerini operatorlarnıñ hadimleri olaraq tanıtqan ve "añlaşmanı devam ettirmege" teklif etken "shema" iştirakçileri olğanını iddia eteler. Bu subet devamında olar "GosuslugiRusiye Federatsiyasında devlet ve belediye hızmetlerine elektron şeklinde irişimni temin etken ve vatandaşlarğa mesleat almaq, vesiqalarnı resmiyleştirmek, bergi, para cezaları ve diger tölemelerni ödemek imkânı bergen internet-portal"ge kiriş kodlarını ögrenip, qurbanlarnıñ adlarına mikrokreditlerni bere ediler, soñra ise paralarnı "telükesiz esaplar"ğa köçürmege talap ete ediler.
İşğalli FSBniñ bildirgenine köre, qayd etilgen adamlar "Ukrayina tarafından aftada 600 dollar ve mesken kira parasını ala ediler". Bundan ğayrı, FSB, virtual bağ noqtalarınıñ işini temin etken diger şahıslar da tapılğanını bildirdi, olarnıñ arasında — 15 ve 17 yaşındaki eki genç.
İşğalli uquq qorçalayıcılarnıñ malümatına köre, tutulğanlar donatmalarnıñ çalışması içün mesüliyetli ediler — SIM-kartlarnı satın ala, er kün olarnı deñiştire, telekommunikatsiya donatmalarını berüv noqtalarından ala ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
