"Sarı şerit" areketiniñ faalcileri bildireler ki, işğal etilgen Qırımnıñ qavehaneleri ve tükânlarında esap ya da çek bölüngen bir adet peyda oldı: bir qısmı aqçanen, diger qısmı — bank kartasınen ödenile. Menbalarnıñ malümatına köre, Rusiye bank sistemasınıñ bozuluvları ve sıñırlavları sebebinden Qırım sakinleri böyle areket eteler.
Areket Telegramda bunı bildirdi.
"İşğal etilgen Qırımnıñ maliyeviy sisteması kerginleşe ve er kün beterleşe. İnsanlarnıñ çekni bölüp, bir qısmını aqçanen, bir qısmını kartanen mdenmesi adiy bir şey oldı. Sebebi sade — yarımadada Rusiye bank sisteması bir sıra bozuluvlar ve sıñırlavlarnen çalışa", — dep haberde qayd etildi.
Bu areketniñ vekiliniñ qayd etkenine köre, Rusiye Visa ve MasterCard sistemasından vazgeçti, şunıñ içün insanlar "Mir" ve "Pro100" sistemalarını qullanalar, olarnıñ malümatına köre, olar er vaqıt bozula.
"Rusiye bankları VİETda, "şübeli" bir ameliyat olğanını tüşünse, kartadan para çeküvini, razılıq ve tenbi olmadan, toqtata bile. Qırımdaki internet ve bağ sıñırlavları terminal ve bankomatlarnıñ işini sıñırlay. Sevastopolda vaziyet yahşı olsa, Yevpatoriya ve Yaltada vaziyet daa beter", — dep haberde bildirildi.
Hatırlatamız ki, Milliy muqavemet merkezi bildirdi ki, ilk küz ayınıñ 1-nden başlap işğal etilgen Qırımda bank operatsiyaları içün qoşma sıñırlavlar kirsetilecek. Şu cümleden, eger de para çeküvleri "şübeli" olsa, Rusiye bankları para operatsiyalarını 48 saatke toqtata bilirler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
