Ukrayina SQniñ Arbiy-deñiz quvetleri işğal etilgen Qırımdaki "Hersones" ava limanında yerleşken ve duşman tarafından Qara deñizde istihbarat içün qullanılğan dronlarnıñ baza noqtası yoq etilgenini bildirdiler.
USQniñ ADQ Telegramda bu aqqında haber etti.
"Ukrayina Silâlı quvetleriniñ Arbiy deñiz quvetleriniñ küçleri ve vastaları vaqtınca işğal etilgen Qırımnıñ "Hersones" ava limanında "Forpost" ve "Mohajer-6" UUA bazasını yoq etti. Ücüm neticesinde duşman tarafından Qara deñizde suv üstündeki vaziyetni aydınlatmaq içün qullanılğan üç "Mohajer-6" ve eki "Forpost" UUA zarar kördi", — dep haberde qayd etildi.
"Hersones" ava limanı işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) buluna.
Ukrayina SQniñ Arbiy deñiz quvetleri ücümniñ tarihını aytmadı.
Hatırlatamız ki, arman ayınıñ 21-nde saat 03:00-te işğal etilgen Sevastopolda (Aqyarda) patlamalar duyuldı ve yanğın çıqtı. İşğalli akimiyet bu talim olğanını bildirdi.
"Qırım yeli" Telegram kanalında bildirilgeni kibi, arman ayınıñ 21-nde saat 03:35-te Sevastopolnıñ (Aqyarnıñ) Hersones yarımadasında "Pivdennıy" ava limanı yanında eki küçlü patlav oldı. Bundan soñ bu yerde bir qaç yanğın çıqtı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
