İşğalciler, Qırım demiryolunda terakt azırlağanında qabaatlanğan qadınnı 15 yılğa üküm ettiler. İşğalli tahqiqatnıñ versiyasına köre, o, ukrayin mahsus hızmetleriniñ vazifesinen reley dolabını patlatmağa planlaştıra edi.
RİA "Novosti Krım" bunı bildirdi.
Qadınnı Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) tuttılar. Terroristik areketke azırlıq ve devlet hainligi boyunca cinaiy dava açıldı.
"Tintüv vaqtında yaqalanğan qadınnıñ evinde el yapımı ateş aleti, olarnı yapmaq içün parçalar ve cep telefonları tapıldı. Qadınnıñ faaliyeti Ukrayina toprağından Viber messencerinden koordinat etildi, bu onıñ tutıp alınğan bağ vastalarında olğan malümatnen tasdıqlana", — dep haberde qayd etildi.
Hatırlatamız ki, bir kün evelsi işğalciler Qırım sakinini Ukrayina içün casuslıq yapqanında qabaatlap, on beş yılğa mahküm ettiler. RİA "Novosti Krım", işğalli prokurorlıqqa esaslanıp, bunı bildirdi.
O, bir buçuq yılğa azatlıqtan marum etildi ve 100 biñ ruble para cezasını aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
