İşğal etilgen Qırımda şubenin bağlı meseleler arta. “Sarı şerit” haber etti ki, eki aftadır Maloriçenske, Malıy Mayak, Luçıste, Verhnâ Kutuzovka ve Aluştanıñ bir qısmı suvsız qala.
“Sarı şerit” Telegramda bunı bildirdi.
"Sarı şerit" areketiniñ faalcileri haber eteler ki, suv kesilüvi daa sıq Bağçasaray ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) — terciman) rayonlarında qayd etile.
Hatırlatamız ki, işğal etigen Aluştada suv qıtlığı sebebinden soqaqlarda suv anbarları qoyuldı. Çapçaqlardan tehnikiy ihtiyaclar içün suv almaq mümkün. Arman ayınıñ 6-nda Aluşta memuriyetiniñ işğalli yolbaşçısı Galina Ogneva bunı bildirdi.
"Qurulıq ve yağanaqlarnıñ yetersizligi sebebinden belediyede suv teminatınen bağlı devam etken qıyın vaziyet sebebinden, tehnikiy suvnen qoşma yapma göllerini qurmağa aqqında qarar alındı. Bu tedbir, eali içün suv qıtlığınıñ aqibetlerini yımşatmaq içün yapıldı", — dep yazdı o.
İşğal etilgen Qırım sıcaq ve yapma göllerindeki yedeklerniñ eksilüvi sebebinden suv qıtlığına oğradı. "Sputnik u Krımu" işğalli mediasınıñ canlı yayınında "Vernadskıy adına QFUniñ Biohimiya tehnologiyaları, ekologiya ve farmatsiya institutı" suv qullanuvınıñ himiyeviy tehnologiyaları kafedrasınıñ müdiri İllâ Nikolenko bunı bildirdi.
Aynı zamanda Qırımdaki Körbekül yapma gölüniñ suv yedekleri 4,8 mln m³ teşkil ete, bu ise tolu miqdarınıñ 38%-ini teşkil ete, dep "Voda Krıma" işğalli şirketiniñ reberi Maksim Novik bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
