"ATEŞ" arbiy-partizan areketi, işğal etilgen Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Kozak körfezinde bütün arbiy obyektlerni teşkerdi ve olarnıñ yerleşüvini qayd etti.
Areket Telegramda bunı bildirdi.
"Agentlerimiz RFnıñ QDFnıñ esas obyektleriniñ yerleşüvini tafsilâtlıca ögrendiler, olar işğalcilerniñ Sevastopolnıñ cenübiy-ğarbindeki müim logistika noqtası olğan Kozak körfezi rayonında buluna. Aşağıdajş obyektler qayd etildi:
- neft qayta işleme terminalı — 810-ıncı ayrı deñiz piyade brigadası içün YYMyaqarlıq-yağ mahsulatları bazası;
- QDFnıñ desant gemileriniñ yerleştirilüvinen alan;
- RFnıñ Arbiy deñiz flotunıñ arbiy yunus balığı binası (evelki 13132-K arbiy qısmı);
- UUAni uçuruv yeri olaraq qullanılğan, toqtatılğan "Hersones" ava limanı;
- MOQniñ 561-inci fevqulâde vaziyetler qurtaruv merkezi — deñiz mahsus hızmetçilerini, dalıcılarnı ve qurtarıcılarnı azırlağan elit bir bölüktir. 2022 senesi Mariupolniñ yoq etilmesi içün uruşlarda onıñ askerleri iştirak ettiler ve alâ daa faal sürette cenkleşeler", — dep haberde bildirildi.
Areketniñ agentleri Ukrayina Mudafaa quvetlerine malümat bergenlerini bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
