Arman ayınıñ 15-nde işğal etilgen Sevastopolda (AqyaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adrda) qurucılıq kranı tüşti. Neticesinde bir insan elâk oldı, eki adam yaralandı, olarnı hastahanege alıp kettiler.
İşğalli Sevastopol (Aqyar) FVN Telegramda bunı bildirdi.
"Nazirlik"niñ malümatına köre, adise saat 10:04 oldı. Kran tüşkeni neticesinde biriniñ ayağı qırıldı, başqasınıñ qolu ciddiy yaralandı.
Aynı vaqıtta şeer prokurorlığı qayd etti ki, Oktâbr avdarması caddesindeki bina meydançığında kran montaj etile edi, lâkin montaj vaqtında o bozuldı.
Şaatlarnıñ aytqanlarına köre, vaqialardan bir saat evelsi kran "ğayip sesler çıqarmağa başladı".
"O, bala meydançığından bir qaç metr uzaqlıqta tüşti. Bundan evel, toqtatılğan qurucılıqta fevqulâde bir vaqia yüz berdi, onı ğayrıdan tiklemege qarar aldılar. Qomşu evlerniñ sakinleri, oqnıñ egilgenini körgenlerini aytalar. Qurulış yavaş-yavaş yıqıla başladı, soñ içinde adam olğan kabina yıqıldı", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
