İşğal etilgen Qırımnıñ 277 siyasiy mabüsi Rusiye apishanelerinde buluna, olardan 157-si — tamır qırımtatar halqınıñ vekilleri. Umumen işğal vaqtında eñ az 431 siyasiy taqip adisesi qayd etildi, olardan 249-ı — qırımtatarlardır.
Qırımtatar resurs merkezi bunı bildirdi.
QRM bu şahıslarnı taqip statusına köre beş gruppağa böldi:
- 202 insan mahküm etilip, müstemlekede ceza çeke (117 — qırımtatar);
- 57niñ sıñırlav ya da sınav müddeti bar (28 — qırımtatar);
- 75 kişi SİZOda buluna (40 — qırımtatar);
- 61 kişi endi azat etildi (36 — qırımtatar);
- 36-sı taqip altında qala (28 — qırımtatar).
"Qırımda siyasiy mabüslerniñ sayısı tez artması qasevetlendire. Bir yıl evelsi 334 hasta qayd etilgen edi (217 — qırımtatar), şimdi ise bu raqam tek bir yılda aman-aman 100 yañı hastağa arttı. Ve bu tolu bir cedvel degil. Sıq-sıq işğalciler, şahısnıñ adı, soyadı ya da dava tafsilâtları aqqında iç bir şey aytmayıp, onıñ daa bir tutuluvı, apiske alınuvı ya da mahkeme ükmü aqqında haber ete", — dep QRM qoştı.
Читати ще
Telegram, WhatsApp, Facebook, TikTok ve YouTubede Suspilne Qırım haberlerini abune oluñız
