Arman ayınıñ 15, 16, 17 ve 18 künleri işğal etilgen Qırımda fevqulâde yanğın telükesi sebebinden furtuna havfı ilân etildi.
Rusiye kontrolindeki Qırım FVN bu aqqında haber etti.
"Arman ayınıñ 15, 16, 17 ve 18 künleri Qırımda ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerinde fevqulâde yanğın telükesi qalacaq", — dep haberde qayd etildi.
İşğalli akimiyet quru ot ve çöplükni yaqmamağa çağıra, söndürilmegen yanğınlarnı atmamağa çağıra ve mahsus yanğın rejiminiñ qaidelerini bozğanlar içün memuriy mesüliyetke çekilecegini hatırlata.
Armanaayınıñ 13-nde işğal etilgen Sudaqta 12 saat devamında 2000 kvadrat metrlik orman yanğınını söndürdiler. Söndürüv işlerinde Rusiye ve işğalciler tarafından kontrol etilgen Qırım FVN qurtarıcıları, ormancılar, şeer memuriyeti ve göñülliler iştirak etti.
Arman ayınıñ 10-nda işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında aman-aman 23 gektarlıq eki yanğın yüz berdi. Skvortsove köyünde 20 gektar quru ot yanğan. Biloğlınka köyünde quru yanğın meydanlığı 2,8 gektarnı teşkil etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
