2025 senesi arman ayınıñ 9-dan 10-na keçer gecesi Ukrayina mahsus operatsiyaları küçleri vaqtınca işğal etilgen Qırımnıñ Abrıkosivka köyünde yüzlernen kilometrlik ava boşluğını nezaret etken TRLK-10 "Skala-M" radiolokatsiya kompleksini yoq ettiler.
Ukrayina Silâlı quvetleriniñ mahsus operatsiyalar quvetleri bunı bildirdiler.
"TRLK-10 "Skala-M" — ava maqsadlarını tapmaq içün em birinci, em ekinci dereceli imkânlarnı qaplap alğan şuralar-rusiye tras radiolokatsiya kompleksidir. O, ava areketini nezaret etmek içün qullanıla — hususan, yollarda ve keçit zonalarında, bu ise onı ava areketini idare etüv sistemasınıñ müim bir qısmı yapa. Radarnıñ radiusı 350 km-ge qadar", — dep haberde qayd etildi.
Mahsus operatsiyalar quvetleri qoştılar ki, bu kompleksniñ yoq etilmesi, işğalcilerniñ vatandaş astyapısı ve sakinlerge ücüm etken bölgede Rusiye aviatsiyasınıñ imkânlarını bayağı eksiltecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
