Ukraina mahkemesinde Rusiye ordusına sistematik yardım köstergen Qırımdan üç ukrayinlige qarşı cinaiy davalar açıldı. Olardan ekisi RF Silâlı Quvetlerine para toplanmaları içün "göñülli teşkilâtlar"nı alıp bara. Mahkeme etileceklerniñ episi istilâcı devletke yardımUkrayina CQniñ 111-2-nci maddesiniñ 1-nci qısmı etkeni içün 12 yılğace mahkeme cezasına oğray bile.
Arman ayınıñ 11-nde Facebookta Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
Tahqiqatnıñ malümatına köre, 2022 senesi Rusiyeniñ Ukrayinağa tolu miqyaslı istilâsı başında işğal etilgen Sevastopolda (Aqyarda) qabaatlanğanlardan biri "Zaşçitniki" sahte göñülli teşkilâtını teşkil etti.
Gönülli faaliyet aqrasında o, öz "göñüllileri"nen beraber Rusiye arbiy hızmetlerine aşağıdaki vastalarnı bere edi:
- 10 naqliyat vastası;
- 33 uçucısız uçaq aleti;
- 27 issilik közeticisi;
- AK-74 ve AK-12 avtomatlarınıñ 120 söndüricisi;
- tanklar içün 400 litr yağ;
- 1 200 balıqlav;
- 800 ameliyat qutusı ve diger donatmalar.
Diger şübheli, "Volontörı Pobedı" areketiniñ yolbaşçısı, 2023 senesinden başlap Köktebelde para toplama ve qurucılıq malzemeleriniñ satın aluvını teşkil ete edi.
Üçünci qabatlanğan qadın ise, RF SQe muntazam sürette quru aşıq mallarını bere edi. Bu sebepten onı "Ukrayina Silâlı quvetlerinden ealini qorçalamaq" vazifesini eda etken orduğa qol tutqanı içün defalarca "teşekkürler"nen taqdirlediler.
"Qabaatlanğanlarnıñ bu areketleri Ukrayinağa zarar ketirmek maqsadınen istilâcı devletke ve onıñ silâlı birleşmelerine yardım etmege doğrultılğan", — dep prokurorlıq añlattı.
Hatırlatamız ki, Rusiye deñiz askerleri içün REB aletlerini azırlağan işğalli Qırım mebusı Ukrayinada ğıyabiy şekilde 4 madde boyunca mahkeme etilecek: işbirlik faaliyeti, istilâcı devletke yardım etüv ve aqlav, Rusiye Federatsiyasınıñ silâlı istilâsını qanuniy sayuv.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
