Rusiye akimiyeti Ukrayinanıñ vaqtınca işğal etilgen topraqlarında firqalarğa kirmek içün yaş sıñırını 18 yaşından 16 yaşına qadar eksiltmege planlaştıra. Bu qarar resmen "gençler içün imkânlarnıñ keñişletilmesi" olaraq tanıla, amma mütehassıslar qayd eteler ki, teşebbüs vaqtınca işğal etilgen ukrayin topraqlarında yañı nesilden "siyasiy qoqlalar"nı şekillendirmege doğrultılğan.
Milliy muqavemet merkezi bunı bildirdi.
"Qanun qabul etilse, VİETdaki gençlerni işğalli firqalarğa qoşulmağa, sahte saylavlarda iştirak etmege ve FSB nezareti altında "doğru rey bermege" mecbur etecekler. Tsentsura ve "vatanperverlik dersleri" ve "yunarmiya" sebebinden çoq yıllıq zombilaştıruv şaraitinde — bu, serbest saylavlarnı ve Ukrayinanı bilmegen nesilni terbiyelemek içün bir adımdır", — dep MMM qayd etti.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
