2025 senesi çeçek ayından kiraz ayına qadar Qırım işğal mahkemeleri tarafından "seferberlikten qaçuv" maddesine köre eñ azdan 36 iş baqıldı.
Bu aqta "Qırım insan aqları gruppası" bildirdi.
Hususan, QUQG malümatlarına köre, üç ay içinde birinci basamaqtaki işğal mahkemeleri 23 qabaatlı üküm çıqardılar, istinaf instantsiyasınıñ cezanı emiyetli qaldırmaq aqqında 4 qararı aqqında da belli, "mahkemelerde" 9 iş baqıla.
"Rusiye Federatsiyası qırımlılarnı Ukrainağa qarşı büyük miqyaslı cenkte qullana. Olarnı Rusiye Silâlı Quvetlerinde hızmet etmege mecbur etmek içün, işğalci akimiyeti seferberlikten qaçqanları içün cinaiy cevapkârlıqqa çekilmekte. Eñ çoq "mahkemeler" olarğa 50 biñge qadar cöremeni tayin eteler", – denile beyanatta.
Bütün işğal devrinde QUQG, "seferberlikten qaçqanları içün" eñ azdan 613 cinaiy işni vesiqalaştırdı.
Telegram, WhatsApp, Facebook ve YouTube-ta Suspilne Qırım haberlerine abune oluñız
