İşğal etilgen Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) "Açuvlı Mavka" qaşılıq areketiniñ temsilcileri işğalcilerge: "Dünya titrese bile, qaşılıq devam etecek", — degen mesajnen yalılarda kâğıtlarnı tarqattılar. Olar yalılarda ukrayin timsallerinen tahminen yüz levha yapıştıra bildiler.
Areket Telegramda bunı bildirdi.
Turistler küneşlegende, işğalciler ise "er şey kontrol altında" olğanını aytalar, bizim Mavkalarımız ise levhalarnı Yevpatoriya yalılarında tarqatalar. Tek Yevpatoriyada 100-den ziyade levha tarqatıldı. Er birinde açıq bir işaret bar: "Dünya titrese bile, qarşılıq devam etecek", — dep haberde qayd etildi.
"Açuvlı Mavka" qarşılıq areketi 2023 senesi saban ayında işğal etilgen Melitopolda teşkil etildi. Onıñ hususiyeti ise, o, qadın areketidir. Vaqtınca işğal etilgen topraqlardan qızlar, ruslarğa "mında hoş kelmegenleri"ni köstermek içün birleştiler.
Hatırlatamız ki, "Sarı şerit" areketiniñ bildirgenine köre, işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ruslar şeer soqaqlarında ukrayin timsallerini tapmaq ve çıqarmaq/üzerine boya qoymaq içün mahsus vatandaş saba patrulini başlattılar.
"Qırım esnası" uquq qorçalayıcı teşebbüsi soñki yarım yıl içinde Qırım mahkemelerinde "Natsist, aşırıcı ve başqa yasaq etilgen timsallerniñ teşviqatı ya da numayışı aqqında" 20.3 maddesi boyunca baqılğan 96 davanı talil etti. İşğal etilgen Qırımda yasaq etilgen timsallerniñ numayışınen bağlı bütün mahkeme davalarınıñ 56%-inden ziyadesi ukryain timsallerinen bağlı. Ekinci yerde — "AUE" cinaiy alt medeniyetiniñ tatuirovka taşıyıcıları ve tek üçünci yerde — natsist timsallerini köstergen şahıslar. Olar, işğalli mahkemeler ukrayin devlet timsalleri numayış etilgeni sebebinden eñ sert ükümler çıqarğanını ögrendiler — qabaatlanğanlarnıñ 26%-i apiske alındı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
