Eki ukrayinalı Qırımnı işğalcilerge qoltutqanı içün mahkeme etilecek

"Rubej" Göñülli halq müfrezesiniñ eki iştirakçisine şübhe bildirildi. Olarnı devlet hainliginde, qanunsız silâlı birleşmede iştirak etüvinde ve Ukrayina topraq bütünligine qast etüvde qabaatlaylar. Olar 15 yılğa azatlıqtan marum etile bileler. Tahqiqat, olarnıñ "Hmelnıtskıy" korvetine ücüm etüvde ve 2014 senesi Qırımnıñ işğali vaqtında Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Ukrayina Arbiy deñiz quvetleri ştabınıñ zapt etilmesinde iştirak etkenlerine dair deliller taptı.

Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.

"Şübelilerge qanunda qayd etilmegen silâlı birleşmelerniñ faaliyetinde iştirak etüv, müessiselerge, teşkilâtlarğa ücüm etüvde (Ukrayina Ceza qanunnamesiniñ 260-ıncı maddesiniñ 4-ünci qısmı), Ukrayinanıñ topraq bütünligi ve toqunılmazlığına qast etüvde (Ukrayina Ceza qanunnamesiniñ 110-ıncı maddesiniñ 2-nci qısmı) ve devlet hainliginde (Ukrayina Ceza qanunnamesiniñ 111-inci maddesiniñ 1-inci qısmı) qabaatlana", — dep haberde qayd etildi.

Prokurorlıqnıñ malümatına köre, şübheliler Ukrayina vatandaşları ola. 2014 senesi kiçik qış ayında olar, "Sevastopol öz-özüni mudafaa etüvi" qanunsız silâlı birleşmesiniñ bölüklerinden biri olğan "Rubej" Göñülli halq müfrezesine qoşuldı.

Tahqiqatnıñ malümatına köre, şübhelilerden biri, diger askerlernen beraber, Sevastopol (Aqyar) şeerinde USQniñ Arbiy-deñiz quvetleri komandanlığınıñ binalarına ücüm etti.

Diger bir "mudafaacı" Ukrayina Arbiy deñiz quvetleriniñ "Hmelnıtsıiy" korvetiarbiy deñiz gemisini blok etip, onı yalığa oturtqan, ekipaj azalarınıñ areketlerini nezaret etken edi, neticesinde gemi RF ordusı tarafından zapt etilgen edi.

"Bundan ğayrı, şübheliler blok noqtalarında nevbette tura, vatandaşlarnıñ vesiqalarını teşkere, şeerge doğru ketken naqliyat vastalarını tintken, em de "Sevastopol öz-özüni mudafaa etüvi" milliy arbiy birleşmesiniñ "başları"nıñ diger emirlerini yerine ketirgen ediler", — dep QMC prokurorlığı bildirdi.

Daa evel prokurorlıq mahkemege "Sevastopol öz-özüni mudafaa etüvi" qanunsız silâlı birleşmesiniñ yolbaşçısına qarşı qabaatlav aktını yolladı.

Hatırlatamız ki, "Rubij" "Göñülli halq müfrezesi"niñ dört iştirakçisine de 2014 senesi Qırımnıñ işğali vaqtında Sevastopolda (Aqyarda) Ukrayina Arbiy deñiz quvetleriniñ Ştabını zapt etüvde iştirak etkeninde şübhe bildirildi. Olarnı devlet hainliginde, qanunsız silâlı birleşmede iştirak etüvinde ve Ukrayina topraq bütünligine zarar ketirüvinde qabaatlaylar.

Читати ще