Rivne şeerinde Çerkası vilâyetiniñ sakini Vasıl Telijenko devlet hainligi içün 14 yılğa mahküm etildi. O, Qırımdaki "Ermeni Bazar şeer memuriyeti"niñ yolbaşçısı vazifesini eda ete. Mahküm etilgen adam 2014 senesinden başlap işğalli akimiyet organlarında çalışa.
Tek devlet mahkeme qararları cedvelinde mahkeme qararı aqqında malümat qayd etildi.
"Qırım Muhtar Cumhuriyetiniñ Ermeni Bazar şeeriniñ "Perekop (Or QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) rayonı memuriyeti" 1949 senesi qabul etilgen Jenevre şartnamesiniñ 64 maddesine binaen qanunsız şekilde qurulğan organ olaraq, qabaatlanğan şahıs 2014 senesi ilk qış ayından soñ silâlı zıddiyet şaraitinde duşman tarafına keçti ve "Ermeni Bazar memuriyetiniñ reisiniñ muavini" vazifesine tayinlendi. Bundan soñ, 2015 senesi oraq ayında, "Ermeni Bazar memuriyetiniñ başı" vazifesine yarışta iştirak etmege razı oldı, neticesinde ğalebe qazandı ve şu vazifede buluna", — dep Rivne şeer mahkemesiniñ qararında qayd etildi.
Vesiqada qayd etilgenine köre, mahküm etilgen adam "işğalli vazifede bulunıp, oña berilgen vekâletlerni qullandı ve silâlı istilâ vaqtında RF ordusınıñ maddiy-tehnikiy teminatı boyunca tedbirlerni teşkil etti".
Mahkeme oturışı vaqtında onıñ Rusiyege qoltutqan media ve içtimaiy ağlardaki açıq ifadeleri baqıldı, anda o, "ölgen SVO iştirakçisine taziyelerini bildirdi". Prokurorlar işke işğalli akimiyetniñ ve onıñ imzalağanlarını qararlarını ve alğan mukâfatlarını qoştılar.
Rivne şeer mahkemesi işğalli memurnı Ukrayina Ceza qanunnamesiniñ 111-inci maddesiniñ 1-incidevlet hainligi qısmına binaen bütün mal-mülkniñ musadere etilmesinen ğıyabiy şekilde 14 yılğa mahküm etti. Ükümde, Vasıl Telijenko Çerkası vilâyetiniñ Zvenığorodka şeerinde doğğanını qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
