Ukrayina CQniñ "Devlet hainligi aqqında" 111-nci maddesiniñ 1-nci qısmına binaen, İİNniñ Qırımdan sabıq hadimine şübe bildirildi. Tahqiqatnıñ malümatına köre, adam işğalli müessiselerniñ çalışmasına yardım ete ve istilâcı devletniñ menfaatına köre çalışa. O, 15 yıllıq apis cezasına mahküm etile bilir.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri porkurorlığı bunı bildirdi.
Şübelengen adam — 2001 senesinden başlap içeri işler organlarında çalışqan, 2009 senesinden başlap ise Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde qasaba polis bölüginiñ inspektor-qaravulı vazifesinde çalışqan Ukrayina vatandaşıdır.
Yarımada işğal etilgen soñ o, ukrayin halqına sadıqlıq antını bozıp, "Rusiye İİNniñ Yevpatoriya şeerindeki memuriy qanunlarnı yerine ketirüv gruppasınıñ baş ispektorı" vazifesini alıp, duşmanğa hızmet etmege başladı. 2018 senesi o, "Rusiye İİNniñ organlarınıñ Yevpatoriya şeerindeki polisniñ bölük vekâletleri ve çağına yetmegenler meseleleri bölügi"niñ başı oldı, birazdan ise şimdi de çalışqanı "Rusiye İİNniñ Yevpatoriya şeerindeki bölüginiñ 2-nci polis noqtasınıñ reisi" vazifesini eda etti", — dep QMC prokurorlığı bildirdi.
Tahqiqat qayd etti ki, "şübelengen adam, öz areketlerinen istilâcı devletniñ vekillerine Ukrayinağa qarşı tirenüv faaliyetinde yardım ete ve yarımadada işğalli içeri işler organlarınıñ çalışmasına yardım ete". UHHniñ Qırım MCdeki Bİ mahkemeden evelki tahqiqatnı keçirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
