Qırımnıñ işğalci Yuqarı mahkemesi, "Hizb ut-Tahrir" işiniñ dörtünci Canköy gruppasında iştirak etici dört şahısnıñ apiske alınuv müddetleri aqqında qararnı lâğu ettikten soñ, "Kiyev Simferopol (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı rayon mahkemesi" olarnıñ apiske alınuvını kene uzattı.
Bu aqta advokat Edem Semedlâyev, "Qırım birdemligi" adlı cemaat teşkilâtına arman aynıñ 1-de bildirdi.
Kiraz aynıñ soñunda "mahkeme", beş qırımtatarı — Rustem Mustafayev, Abibulla Smedlâyev, Emir Qurtnezirov, Mirzal Tajibayev ve Bahtiyar Ablayev içün profilaktik tedbirlerniñ müddetini orta küz aynıñ 4 qadar uzattı. İşğal Yuqarı mahkemesi, tek Ablayevge qarşı qararnı tasdıqladı, qalğanlarını bir ayğa tahqiqat tevqifhanesinde tutmağa emirini berdi.
Arman aynıñ 1-de tahqiqatçı, kene de mahkemege dört qabaatlanğannıñ apiske alınuvını uzatmaq ricasınen muracaat etti. O, bunı Qırımdan qaçmaq ve tehqiqat ketişatına tesir etmek telükelerinen aqladı, em de cevapkârlarnıñ Qırımda qaviy içtimaiy bağları olmağanını iddia etti.
"Menim müşterim Abibulla Smedlâyevnıñ mında balaları, apayı, bütün soy-sopları bar", — dep red etti advokat tahqiqatçınıñ arizasını.
Buña baqmadan, "mahkeme", qabaatlav taraflarınıñ delillerinen razı olıp, Mustafayev, Smedlâyev, Qurtnezirov ve Tajibayevni orta küz aynıñ 4-ne qadar Simferopoldeki (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı 2-ci tahqiqat tevqifhanesinde tutmağa qararını çıqardı.
Lâkin mahkeme mudafaacılarnıñ delilini diñlemeyip, dört iştirakçini tahqiqat tevqifhanesinde tutmaqnı devam etti. Böyleliknen, yaqalanğan beş qırımtatarnıñ episi, orta küz aynıñ 4-ne qadar qapalı olacaqlar. Şimdi olarnıñ episi, Simferopolnıñ (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı 2-ci tahqiqat tevqifhanesiniñ mahkemesinde bulunmaqtadır.
Semedlâyev aydınlattı ki, teşkerüv areketleri yekünlenmege azır, ondan soñ qorçalayıcılar işniñ malümatlarınen tanış ola bileler.
Hatırlatacaqmız, Qırımtatar resurs merkeziniñ malümatına köre, 2025 seneniñ birinci yarısında işğal etilgen Qırımda 99 adam yaqalandı, olardan 48 adam qırımtatarlar. 2024 senesi aynı şu devirde 92, 2023 senesi ise – 140 adam tutuldı.
Dörtünci Canköy "Hizb ut-Tahrir" gruppası aqqında belli olğanı
2025 senesi uvut aynıñ 5 künü sabasında beş qırımtatar faali tintüv yapıldı, aynı şu künü Emir Kurtnezirov, Rustem Mustafayev, Abibulla Smedlâyev 60 künge tahqiqat tevqifhanesine yollanıldı.
Uvut aynıñ 6-da aynı profilaktik tedbiri, Mirzali Tajibayev ve Bahtiyar Ablayev içün seçildi. İşniñ bütün iştirakçileri işğalciler tarafından "Hizb ut-Tahrir" teşkilâtınıñ faaliyetine qoşulğanlarında qabaatlandılar. Qabaatlanğan qırımtatarlarnıñ soy-sopları tintüvler vaqtında olarğa yasaq etilgen kitaplar ve risaleler atılğanını bildirdiler.
Uvut aynıñ 26-da Qırım İşğal Yuqarı Mahkemesi, qabaatlanğanlar içün profilaktik tedbirni deñiştirmeyip qaldırdı.
Çeçek ayında işğalci Simferopoldaki Kiyev rayon mahkemesi, "Hizb ut-Tahrir" dörtünci Canköy gruppasınıñ iştirakçileri Abibulla Semedlâyev, Bahtiyar Ablayev, Rustem Mustafayev, Mirzali Tajibayev, ve Emir Kurtnezirov içün tevqif müddetini uzattı.
Hizb ut-Tahrir – islam siyasiy fırqası. 2003 senesi Rusiyede onı terroristik teşkiyatı kibi tanıdılar, oña ait olğanlarını ise taqip etmege başladılar. İştirakçılarnı "qabarcılıqqa qarşı faaliyetinde" ve "dünyaara hilâfet" degenini teşkil etmege ıntıluvında qabaatlaylar. 2014 senesi Qırımnıñ işğalinden soñ işğalciler zapt etilgen Qırımğa öz qanunnamesiniñ areketini tarqattılar. Böyleliknen, yarımadanıñ işğalinen razı olmaması içün qırımtatarlarına basqısını quvetleştirip, Hizb ut-Tahrir-ge alâqasında qırım musulmanlarnı da qabaatlamağa başladılar.
Telegram, WhatsApp, Facebook ve YouTube-ta Suspilne Qırım haberlerine abune oluñız
