İşğal etilgen Sevastopolda (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı yerli sakin yaqalandı, oña qarşı "satqınlıq" içün cinaiy davası açıldı. "Tahqiqatnıñ" versiyasına köre, o, Rusiye ordusınıñ avadan qorçalanuv tehnikasınıñ yerleştirilmesi aqqında ukrain istihbaratına malümatlarını ve olarnıñ yerleşken yerleriniñ koordinatalarını berdi.
Bu aqta RF FTH-niñ Qırımdaki işğal bölügi bildirdi, dep haber ete arman aynıñ 1 RİA "Novosti Krım" rusiye teşviqat haber agentligi.
"Tahqiqatnıñ" malümatına köre, adam, Ukraina Silâlı Quvetleriniñ mahsus areketler küçleriniñ vekilinen Telegram vastasınen bağlanğan.
"Kuratornıñ vazifelerine köre, iştirakçi, Sevastopoldaki AQM foto ve video qayd etüvini yaptı. İştirakçi, şahs cenk vazifesinde avadan qorçalanuv maşinalarınıñ yerleştirilmesi aqqında alğan malümatnı ve olarnıñ yerleşken yerleriniñ koordinatalarını ukrain istihbarat hızmetine berdi", – iddia ete Qırım boyunca işğal RF FTH.
Olar qoştılar ki, bu adamnı "satqınlıq" içün ömürbillâ mahkeme cezası bekley.
Hatırlatamız, oraq aynıñ 31-de Rusiye Federatsiyasında Rostov-na-Donu şeerindeki Cenübiy rayon arbiy mahkemesi, Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeerinden Nadiya Grekovanı 22 yılğa mahküm etti. Bu tınç siyasiy mabuslar arasında eñ büyük cezadır.
Grekova, Rusiye Federatsiyası Cinaiy kodeksiniñ bir qaç maddesine köre qabaatlı dep adlanğan, şu cümleden "teraktnıñ teşkil etimesi", "patlavnıñ azırlavı", "satqınlıq" ve "terrorcılıq faaliyetini alıp barmaq maqsadınen oqutuv". Tedqiqatqa köre, o, "Qara deñiz flotınıñ rus askeri icarağa alğan öz dairege patlatıcı maddeler qoyğan".
Evelde Grekovanıñ dostu Suspilne Qırım-ğa onıñ aqqında belli olğan şeylerni aytıp berdi.
Qırımtatar resurs merkeziniñ malümatına köre, 2025 seneniñ birinci yarısında işğal etilgen Qırımda 23 qıdıruv qayd etildi, olardan 12 qırımtatar halqınıñ vekillerine ait edi. Teñeştirmek içün, 2024 senesi – 51 qıdıruv (34 – qırımtatarlarğa nisbeten), 2023 senesi – 37 (29 – qırımtatarlarğa nisbeten).
Telegram, WhatsApp, Facebook ve YouTube-ta Suspilne Qırım haberlerine abune oluñız
