Qırımda Berdânskta qaçırılğan taksici Malikni makeme etecekler

Leonid Malik – v.i.e. Donetsk asılı olğan tınç sakini, o, 2024 senesi mayıs ayında muvaqqat işğal etilgen Berdânsk şeerinde qaçırılğan edi. Rusiye işğalci akimiyeti, Malikni "satqınlıqta" ve "radioaktiv maddelerniñ satuvında" qabaatlay. Böyle qabaatlavlarğa esas olaraq onıñ Çernobıldeki qısqa müddetli iş tecribesi oldı, anda adam avtomobillerni mahv etken edi.

Leonid, şimdi Donetsk dep adlandırılğan yerde tutulmaqta. Aile, onı ükümni ilân etmek içün v.i.e. Qırımğa taşıycaqlarını bekley, amma deñişüvge işana. Qızı Mariya, Suspilne Qırımğa onen soñki fotoresimini — 2022 senesi alınğanını — daa hatırlağanını ayttı. O vaqıttan berli – ayırılıq, sukünet ve belli olmağan raqamlardan tekrarlanğan çağıruvlar.

O, 2024 senesi mayıs ayında babasınen alâqanı coyğanını hatırlay.

"Biz daima alâqada edik, daima telefon etken edik. Ve bir vaqıt, men tek üç künden berli ondan iç bir türlü çağıruv olmağanını añladım. İşğal etilgen territoriyadan soy-soplarıma telefon ettim, olarnıñ al-hatırlarını, babam qayda olğanını, onıñ yanında ne olğanını, o anda olğanını soradım. Ve belli olğanına köre, o ğayıp olğanını ayttı", – dedi Mariya Malik.

O, babasınıñ işğal etilgen Qırımda mahküm etilecegini böyle bildi. Onı "satqınlıqta" ve "radioaktiv maddelerniñ satuvında" qabaatlaylar, çünki o bir vaqıtları Çernobılde çalışqan.

"O, naqliyatnı yoq etüv tükânınıñ reberi edi. O, alfa, beta ve gamma nurlanuvını teşkerir. Eger naqliyatta çoq radioaktiv maddeler olsa, olarnı taşlaylar. Eger naqliyatnı, daa qullanmaq mümkün olsa, olarnı temizleyler. Yani onıñ radioaktiv maddelernen doğrudan-doğru alâqası olmağan, iç birisi yoq edi. O, tek yoq etüvinen oğraşqan edi", – qayd etti qız.

Leonid özü, Donetsk vilâyetiniñ Novotroitsköy şeerinden kele. Soñra o, Kiyevge köçip kele, anda Mariya doğa. Amma 2012 senesi hasta anasını baqmaq içün evge qaytmağa mecbur oldı.

"O, eki afta Çernobılde çalıştı, soñra eki aftağa keldi – eki afta içinde raatlana edi. Novotroitskke keldi", – dep aydınlattı siyasiy mabüsiniñ qızı.

Tuvğan Novotroitskiyde adam ruslarnıñ büyük miqyaslı basqınınen qarşılaştı.

"Men oña sabadan telefon açmağa başladım. Başta o, er şey yahşı olğanını cevap berdi. Bir-eki saattan soñ bağ bütünley ğayıp oldı. Ve eki ay devamında öyle oldı. O, bir kere, çeçek aynıñ başında bir vaqıt telefon açqan. Soñra bilgenim kibi, o, sadece beş qatlı evniñ damına çıqıp er şey yahşı dep aytqan", — dedi Mariya.

O vaqıttan berli olar er kün biri-birinen bağlana ediler. Malik işğal vaqtında babası rus pasportını almağa mecbur olğanını qayd ete. Para olsun dep taksici olıp çalışqan edi. Yoq olğan künü o da iş yerinde edi — adamlarnı Berdânskke alıp ketti, amma evge qaytmadı.

"Arman ayında, dört aydan soñ, oña bir kere soy-soplarına telefon açmağa berdiler. Ve o, tek onıñ sağ olğanı aytmaq içün. Ve soñ ilk qış ayında (endi yarım yıl keçti) biz onıñ Mariupoldaki tahqiqat tevqifhanesinde olğanını bildik", — dedi qız.

Mariya, babasına qarşı işniñ uydurma olğanına emin. Onı 20 yıllıq mahkeme cezası bekley.

"Biz, "mahkemeniñ" bu qararından haberdar oldıq, ve o, iç bir türlü delil ya da şaatlar köstermedi, şaatlar sadece sorğuğa çekildi, ola bilir delil", — dep qoştı o.

Leonid Malik, şimdi işğal etilgen Donetskte tutulmaqta ve onı Simferopolge (Aqmescit) alıp ketmek kerekler, anda üküm ilân etilecek. Lâkin soy-soplar almaştıruvğa ümüt eteler, çünki bu adam grajdan esirleri olaraq qayd etilgen", – bildire cenk esirlerine munasebet meseleleri boyunca koordinatsiya ştabında.