Qırımtatar siyasiy mabusı Amethan Abdulvapovnıñ babası, Angarsk şeerindeki 2-nci müstemlekede oğlunıñ ola bilir uruv eskencelerni teşkermek talabınen Rusiye Federatsiyasınıñ Tahqiqat komitetine muracaat ete. 36 yaşındaki Abdulvapov, yaqında insult keçirdi, qoranta şübelene ki, buña qaravullarnıñ azaplavları sebebi ola bile.
Bu aqta Abdulvapovnıñ babası "Qırım birdemligi"ne haber etti.
"Onıñ yüregi sağlam edi. O, iç bir vaqıt şikâyetlenmey edi. Amma bu müstemlekesine kelgeninen, deral insult keçirgen. O, tek küçlü beden yük ola bilgenini añlata. Men TK, onıñ sağlığını teşkermesini isteyim", - dedi baba.
Ariza, oraq aynıñ başında olıp keçken Amethannıñ insultı aqqında qoranta bilgen soñ berildi. Ana-babalarnıñ aytqanlarına köre, yürek fizikiy tesirge dayanıp olamay, bu ise sağlıq vaziyetiniñ keskin bozulmasına ketire bile.
Şimdiki vaqıtta qoranta, müstemlekeniñ nezaretçileri Rusiye Federatsiyası Cinaiy kodeksiniñ 286-ncı maddesine köre resmiy vazifelerini sui-istimal etmek içün teşkerilmesini talap ete.
Hatırlatacaqmız ki, 2023 senesi işğalciler tarafından "terror teşkilâtında iştirak etkeni içün" 10,5 yılğa mahküm etilgen qırımtatar faali Amethan Abdulvapov, öz soy-soplarına yazğan mektübinde Angkutsk 2-nci tüzetüv müstemlekesinde insult keçirgenini bildirdi. Rusiye Federatsiyası aqqında.
"Hizb ut-Tahrir davası"nıñ dörtünci Aqmescit gruppası aqqında ne bilemiz
2021 senesi arman ayınıñ 17-nde FSB musulman ve qırımtatarlarnıñ evlerini kütleviy şeklde tintti.
Tintüvlerden soñ işğalli quvetçiler beş insannı "terror teşkilâtınıñ faaliyetinde iştirak etüv"de qabaatlap yaqaladılar (Rusiye Ceza qanunnamesiniñ 205.5-nci maddesi). Aqyarnıñ (Sevastopolnıñ) Nahimov rayonında — faalci Rustem Murasov ve Rustem Tairov, Aqyarnıñ Balıqlava rayonında — Cebbar Bekirov, Bağçasaray rayonında — faalci Zavur Abdullayev, Aqmescit (Simferopol) rayonında — Raif Fevziyev.
2023 senesi qara qış ayınıñ 12-nde Rostov-na-Donu Cenübiy bölgeniñ arbiy makemesi Raif Fevziyevni 17 senege maküm etti. Daa soñra Vlasiha şeeriniñ Apellâtsiya arbiy makemesi ükümni deñiştirmedi.
Daa soñra, 2022 senesi kiçik aydan başlap, bu dörtünci Aqmescit gruppasına daa bir iştirakçi — Amethan Abdulvapov qoşuldı. Qırımtatar, sert rejimli müstemlekede 10,5 senege üküm etildi, soñra ise üküm deñiştirilmedi.
Hizb ut-Tahrir – islam siyasiy fırqası. 2003 senesi Rusiyede onı terroristik teşkiyatı kibi tanıdılar, oña ait olğanlarını ise taqip etmege başladılar. İştirakçılarnı "qabarcılıqqa qarşı faaliyetinde" ve "dünyaara hilâfet" degenini teşkil etmege ıntıluvında qabaatlaylar. 2014 senesi Qırımnıñ işğalinden soñ işğalciler zapt etilgen Qırımğa öz qanunnamesiniñ areketini tarqattılar. Böyleliknen, yarımadanıñ işğalinen razı olmaması içün qırımtatarlarına basqısını quvetleştirip, Hizb ut-Tahrir-ge alâqasında qırım musulmanlarnı da qabaatlamağa başladılar.
Telegram, WhatsApp, Facebook ve YouTube-ta Suspilne Qırım haberlerine abune oluñız
