İşğal etilgen Qırımda ticaret brendlerinden biri, 15 yıl devamında teşkerilmegen eskirgen yanğın söndürüv donatmalarını qullana. Söz, yanğın söndüriciler aqqında kete, olarnıñ yararlıq müddeti çoqtan bitken.
Bu aqta "Sarı şerit" areketi bildirdi.
Faalcilerniñ aytqanlarına köre, ukrain şirketiniñ brendini onen resmiy bağsız qullanğan COMFY ağınıñ tükânlarında 2010 belgisi olğan yanğın söndüriciler yerleştirile. Bu aletler soñki kere 2014 senesi teşkerildi.
"Yanğın teşkerüvleri devamlı sürette keçirile, amma olar bütünley uydurma: inspektorlar keleler, naqıt aqça alalar ve donatmalarnı kerçekten de teşkermeyip, aktlarğa imza qoyalar", — dep, qayd etile raportta.
Telegram, WhatsApp, Facebook ve YouTube-ta Suspilne Qırım haberlerine abune oluñız
