Ukrainanıñ vaqtınca işğal etilgen topraqlarında ruslar "Rusnıñ ukrain tamırlarını yoq etmek" içün mektep talebelerini yalancı diniy faaliyetke kütleviy sürette celp eteler. "Ruhiy dersler" ve "hacılıqlar" niqabında balalar "bir rus tsivilizatsiyası" aqqında mefküreviy teşviqat diñlemege mecbur ola, anda Kiyev yoq, Moskva ise "Rusniñ mirasçısı" olaraq kösterile.
Bu aqta Ukraina Silâlı Quvetleriniñ mahsus areketler Quvetleri Reberligindeki bölügi — Milliy Tirenüv Merkeziniñ (MTM) öz Facebook saifesinde oraq aynıñ 28-de bildirdi.
Merkezniñ malümatına köre, Ukraina VİT-daki Rus Pravoslav Kilisesi (RPK) ruhaniyleri tedbirlerde iştirak etmek içün Patriarh Kirillden (Volodımır Gundâyev) doğrudan-doğru emirini aldılar. Din, MTM ekspertleriniñ fikirine köre, "repressiya maşnasına" çevirilgen.
Aynı vaqıtta Qırımda Rusiye Federatsiyası tasil nazirliginiñ destegi ile ötkerilgen "Rusiye — menim tarihım. Hersones" adlı tedbir başlandı. Bayram programmasını Sevastopolde (Aqyar) Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adıişğalciler tarafından qurulğan "Yañı Hersones" müzey-ibadethane kompleksi neşir etti.
Tedbir, "Yaşlar ve balalar" leyhanıñ bir qısmı oldı. Merkeziy Komitet, bu teşebbüsni "askerleştirüv ve mefküreviy derslerniñ daa bir aleti" dep adlandırdı.
"Bu iman degil. Bu imannı sui-istimal etmektir. Bu anane kibi kiyindirilgen sistemalı teşviqat", – qayd ettiler Milliy tirenüv merkezinde.
Bundan evel Merkeziy Komitet, zemaneviy Rusiyeniñ "Kiyevniñ Rusiyeniñ vaftizine iç bir alâqası olmağanını" bildirdi.
"Tarih aqqında degil, tecavuziy siyasetni aqlaması aqqında söz kete. Duşman manipulâtsiya ve yalancı tarih yardımınen vaqtınca işğal etilgen topraqlar üzerinde nezaretni pekitmege tırışa", – qayd etti Merkez.
Hatırlatamız, bundan evel, Milliy Tirenüv Merkezi, Sevastopolde (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı işğalciler "vatanperverlik trolleybusını" yolğa qoyğanlarını, o balalarnı "MAA" ve "Znaniye" cemiyetiniñ azalarından "dersler"nen şeer boyu aylanıp çıqa, dep bildirdi.
Telegram, WhatsApp, Facebook ve YouTube-ta Suspilne Qırım haberlerine abune oluñız
