Bağçasaray rayonınıñ Pişçane köyündeki "Ay-Kemp" bala lagerinde işğalciler balalarnı Rusiye gimnini yırlamağa mecbur eteler. Balalarnıñ şikâyetlerinen qarşılaşqan müessise memuriyeti, böyle qorantalardan senetlerni talap etip başladı, anda olar böyle red etmekniñ sebeplerini köstermek kerekler.
Bu aqta Telegramda "Sarı lenta" cemaat tirenüv areketi bildirdi.
"Balalarnıñ şikâyetlerine cevap olaraq, memuriyet, tedbirlerde iştirak etmemek içün ana-babalardan red etüv sebepleri añlatılğan senetini almaq kerekligini bildirdi", — dep, qayd ettiler areketniñ faalcileri.
"Ay-Kemp" lageri, öz işini daa işğalden evel başladı - o, açıq halqara yaşlar merkezi olaraq çalıştı. Lâkin 2014 senesinden soñ "o, yaşına yetmegenlerge mefküreviy munasebet içün faal qullanıla, hususan Rusiye havfsızlıq küçleriniñ vekilleri iştiraginen vatanperverlik areketlerinde iştirak etmek yolunen", — dep, qayd ettiler areketniñ vekilleri.
Telegram, WhatsApp, Facebook ve YouTube-ta Suspilne Qırım haberlerine abune oluñız
