İşğalciler VİT-da, hususan Qırımda yaşlarnıñ askerleştirüvini devam eteler. Anda olar "Topraq idmancısı" programmasını başlaylar, onıñ resmiy maqsadı sport saasında mütehassıslarnı köylerge celp etilmesidir, olar 2 million ruble miqdarında tazminatını vade eteler.
Aslında bu VİT boyunca balalarnı askerleştirüviniñ yañı basamaqtır, dep yaza Milliy tirenüv merkezi (MTM).
""Topraq idmancısı"", "oca" ve "poçtacı"dan soñ – şimdi işğalciler sportnen oğraşalar. Amma beden terbiyesiniñ artında – arbiy klublar, atışma, dronlarnıñ cıyuvı ve "vatanğa hızmet etilmesidir". "Alıp barıcılar" olaraq sıq "MAA" adlandırılğan cenkâverciler tayin etileler", – denile beyanatta.
Qırımnıñ işğalci sport naziri Olğa Torubarova haber etkeni kibi, programma, 2026 senesi qara qış ayında yarımadada başlanacaq.
Lugansk vilâyetiniñ işğal etilgen qısmında "idmancılar" içün 70-ten ziyade boş yer açıldı, dep yaza Milliy tirenüv merkezi.
Hatırlatamız, Sevastopolde (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı işğalciler tedbirni başladılar, onıñ çerçivesinde balalarnı taşığan trolleybus şeer boyu kezine, yol devamında "MAA iştirakçileri" dersler oquylar, dep haber etti evelden MTM.
Bir kün evelsi Simferopolde (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı işğalciler 10 yaşından 17 yaşına qadar olğan balalar içün arbiy toplaşuv keçirdiler. Oquvnı "Rusiyeniñ ordu, aviatsiya ve deñiz flotunı teşviqat etmek içün göñülliler cemiyeti" teşkil etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
