İşğalciler, işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ sakinini halqara qıdıruvğa ilân ettiler. Onıñ Telegram çatlarda yapqan tefsirleri işğalci FSB tarafından "rusfobiyalı" dep tanıldı. Şimdi oña beş yılğa qadar apis cezası berile bile.
FSBniñ Qırımdaki idaresiniñ matbuat hızmeti bunı bildirdi, dep haber etti RİA "Novosti Krım".
"Bu subetlerniñ esas mevzusı — rusiye duşmanlarınıñ yazıları. Muzakerelerde, anonim saifede, adam ruslarnı öldürmege ve qabaatlayıcı sözlerni qullanmağa çağıra edi. Ekspertizanıñ neticelerine binaen, onıñ metinleri, milliy tamırlarına köre ayırılğan insanlarğa qarşı zorbalıq areketlerine çağıruvlarnıñ til alâmetlerini taşıy", — dep haberde qayd etildi.
Neşirniñ malümatına köre, o, oquv yurtunıñ kafedralarından birisinde çalışqan erkekke qarşı Rusiye Ceza qanunnamesiniñ 280-inci maddesiniñ 2-nci qısmına istinaden cinaiy dava açıldı. Oña beş yılğa qadar apis cezası berile bile.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
