Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) işğalciler, şeer boyunca balalarnı alıp ketken trolleybusni teşkil ettiler ve marşrut devamında "SVO iştirakçileri" lektsiyalarınen çıqışta bulunğanını numayış ettiler.
Milliy muqavemet merkezi Telegramda bu aqqında haber etti.
"Suv, elektrik ya da tibbiyet meselelerini çezmek yerine, işğalli Sevastopol (Aqyar — terciman) memuriyeti "Vatanğa hızmet etem" şiarı altında teşviqat turını başlata. Şeer boyunca trolleybus yüre, anda "SVO" ve "Bilgi" cemiyetiniñ iştirakçilerinden "merasimler" keçirile, — dep beyanatta qayd etildi.
Milliy muqavemet merkezi hatırlata ki, balalarnıñ arbiy teşviqatta qullanılması arbiy cinayet sayıla.
Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) işğalciler 10 yaşından 17 yaşına qadar balalar içün arbiy toplanmalarnı keçirdiler. Talimni "Rusiye ordusı, aviatsiyası ve flotu yardımınıñ göñülli cemiyeti" teşkil etti.
Hatırlatamız ki, Rusiye akimiyeti Kıyiv Rusınıñ tantanalı yıllığına büyük teşviqat aktsiyasını planlaştıra. "Rusiye — menim ikâyem. Hersones" kampaniyası çerçivesinde vaqtınca işğal etilgen topraqlarnıñ sakinlerini, tarihnıñ rus versiyasını mecbur etmek içün yapılğan multimedia sergilerinen sıqıştıracaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
