Oraq ayınıñ 25-nde saba saat 8-de Qırım köpründe 1510 maşna tura. Teşkerüvden keçmek içün beklev müddeti üç saatten ziyade ola.
Köprüdeki vaziyet aqqında operativ malümatnıñ Telegram kanalı bunı bildirdi.
"Taman tarafından elnen baqılmaq içün nevbette 860 naqliyat vastası tura. Beklev müddeti tahminen üç saat. Keriç tarafından 650 naqliyat vastası baqılmaq içün nevbette tura. Beklev müddeti eki saatten çoq", — dep haberde qayd etildi.
Bu gece, gece yarısından soñ, işğalciler Qırım köprüişğalciler tarafından qanunsız qurulğan, Tuzla adası ve Tuzla kenarlığı üzerinden Keriç ve Taman yarımadalarını birleştirgen Keriç boğazı boyunca köpürni 2,5 saatten çoq vaqıtqa qapattılar.
"Qırım köpründe yol areketi vaqtınca toqtatıldı. Köpürde ve közetüv alanında bulunğanlardan tınçlıq saqlap qalmağa ve naqliyat havfsızlığı hadimleriniñ talimatlarına riayet etmege rica eteler", — dep monitoring gruppasında qayd etildi.
Qırım köprüniñ areketi saba saat 4-ke yaqın ğayrıdan tiklendi. Daa soñ Rusiye Mudafaa nazirligi 105 uçucısız uçaq aletini toqtatqanı ya da tüşürgenini bildirdi. Olardan 9-ı — Azaq deñiziniñ üstünde. Ukrayina tarafı bu malümatnı izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
