Qırım limanlarından yaqında çıqqan eki yük gemisi Mısır ve Suriyede qayd etildi. "LEONID PESTRIKOV" gemisi oraq ayınıñ 3-16 künleri Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) yüklendi ve Suriyege keldi. "FEDOR" gemisi ise Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yüklengen soñ Mısırğa kelip toqtadı.
"Barışıqçı" merkeziniñ jurnalisti Katerına Yaresko X içtimaiy ağındaki saifesinde bu aqqında haber etti.
Onıñ malümatına köre, "Sevastopol — Tartus" seferini "LEONID PESTRIKOV" yük gemisi yekünledi. Onıñ yollayıcısı Ukrayinanıñ işğal etilgen topraqlarında çalışqan "Agro-Fregat" şirketidir. Şimdi o, Suriye şeerinde, Tartus limanında toqtatuv yerine qoyulğan.
"War-Sanction" saytınıñ malümatına köre, "LEONID PESTRIKOV" gemisi işğal etilgen Qırım yarımadasınıñ limanlarına muntazam sürette kele. Geminiñ saibi ve idarecisi — "Alfa" Rusiye şirketidir, o, içki suv ve halqara deñiz yollarınen tar karton, tögerek orman, çelik külkü, metall mahsulatı, kömür, koks, tökülgen çavun, demir cebi, çelik borular, ububat, yem ve ilâhre taşımalarında ihtisaslaşqan.
Diger "FEDOR" gemisi İskenderiyadaki yalığa yetti. O, oraq ayınıñ 8-nde Qırımnıñ Feodosiya (Kefe) limanında qayd etildi.
Hatırlatamız ki, bir kün evel Suriye ve Mısırğa daa eki sefer qayd etildi. "Fedor" gemisi oraq ayınıñ 8-nde işğal etilgen Qırımnıñ Feodosiya (Kefe) şeerinde ukrayin boğdayını yüklep, Mısırğa yol aldı. "DAMAS WAVE" gemisi de Suriyege hırsızlanğan ububatnen seferlerni devam ettirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
