İşğalciler, Qırımdan sabıq köy yolbaşçısı olğan 62 yaşında Ğalına Perelovıçnı Herson vilâyetindeki Kalançak köyüniñ vaqtınca idare yolbaşçısı vazifesine tayin ettiler. Daa evel o, Kalançaknıñ gauleiteri — rusiyeli Pötr Mustiyanoviçniñ yardımcısı edi. İşğalcilerniñ malümatına köre, o, öz isteginen işten çıqtı.
Jurnalist taqiqatları merkezi bunı bildirdi.
"Herson vilâyetiniñ gauleiteri Volodımır Saldonıñ Ğalına Perelovıçnı Kalançaknıñ işğalli memuriyetiniñ başı vazifesine tayin etüv emirinde yazılğanı kibi, o, şimdi Kalançaknıñ gauleiteriniñ muavini olaraq çalışa. Bu vazifege o yaqında tayinlengen edi, çünki Kalançaka mesken cemiyetiniñ işğalli bölüklerinde onıñ faaliyeti aqqında iç bir malümat yoq", — dep JTM yazdı.
Neşirniñ malümatına köre, qadın 62 yaşında. O, Qırımnıñ Aromatne köyünden kele. 2006 senesinden berli eki kere tuvğan köyüniñ yolbaşçısı olaraq saylandı. Bundan evel köy şurasınıñ mebusı ve kâtibi edi.
Jurnalist taqiqatları merkeziniñ malümatına köre, 2014 senesi Qırım işğal etilgen soñ Ğalına Perelovıç işğalciler içün çalışmağa başladı. Başta Aromatne köyünde gaulaytçı edi, 2014 senesi ilk qış ayınıñ soñunda ise Qırım MCniñ Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ gauleiteri vazifesine tayinlendi. 2022 senesiniñ soñunda işğalli Qırım yolbaşçısı Sergey Aksönov bildirdi ki, Perelovıç öz isteginen işten boşatılmaq içün ariza yazdı. Soñra Herson vilâyetine taşındı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
