İşğal etilgen Qırımda ve Zaporijjâ vilâyetiniñ duşman tarafından zapt etilgen qısmında "Açuvlı Mavka" areketiniñ iştirakçileri qarşılıq aktsiyasını teşkil ettiler. Aluşta ve Melitopol şeerlerinde levhalarnı tarqattılar.
Areket Telegramda fotoresimlerni derc etti.
"İşğalge ve Rusiyege qol tutqanlarnıñ bildirüvlerine baqmadan, biz Melitopol ve Aluştada levhalar ve stikerlerni yapıştırıp tarqatıp oldıq. Meraqlısı şu ki, Melitopolda levhalar işğalli memuriyet hadimleriniñ sıq-sıq keçken yollarından birinde yerleştirilgen", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
