"Ateş" arbiy-partizan areketi bildirdi ki, işğal etilgen topraqlarda, hususan Qırımda, Rusiyege sadıq olmağan studentlerni tapmağa tırışalar.
Areket Telegramda bunı bildirdi.
"Aliy oquv yurtlarınıñ studentlerinden ibaret olğan "Vatandaşlıq küçü" areketiniñ faalcileri işğalcilerniñ Rusiyege sadıq olmağan studentlerni tapmaq ıntıluvları aqqında bildirdiler. Bunıñ içün talebeler arasında 'SVO'ğa (mahsus arbiy ameliyatqa) nisbeten farqlı "anonim" soravlar keçirile", — dep haberde qayd etildi.
Cemaat areketiniñ malümatına köre, işğal etilgen Qırımda Qırım medeniyet, sanat ve turizm universitetinden, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) devlet universitetinden ve Qırım federal universitetinden, em de Donetsk vilâyetiniñ vaqtınca işğal etilgen qısmındaki oquv yurtlarından böyle haberler kele.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
