İşğal etilgen Qırımda siyasiy mabüs Eldar Kantımırovnıñ babası elâk oldı. Vedalaşuv Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Zariçne (ŞumhayRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyünde keçe.
"Qırım birdemligi" bunı bildirdi.
"12 yılğa mahküm etilgen Qırım musulmanı Eldar Kantımırovnıñ babası Şkuri Eskenderovıç Kantımırov 72 yaşında devamlı hastalıqtan vefat etti", — dep haberde qayd etildi.
Hatırlatam ki, Eldar Kantımırovnı işğalciler qanunsız sürette Hizb ut-Tahrirde iştirak etkeni içün 12 yılğa apiske aldılar.
Hatırlatamız ki, Qırım siyasiy mabüsleriniñ 31 soy-sopı, tuvğanları apisten qaytqanını beklemeden vefat etti. 2024 senesi orta küz ayında 27 insan elâk oldı, dep "Qırımtatar maaliy merkezi" (QMM) bildirdi.
Eldar Kantımırov aqqında ne bilemiz
2017 senesi boş ayda OMON ve mahsus askerler Eldar Kantımırovnıñ evini ilk kere tinttiler. Bundan soñ bütün elektron cihazlarını alıp çıqardılar. İşğal quvetçileri ruhiy tesir eterek, onıñ evini çoq kere ziyaret ettiler. Qorquta ve Qırımdan ketmege ayra ediler.
Eldar Kantımırov cemaat faaliyetini yapmağa devam etti, tintüvler ve makeme oturışlarını faalca ziyaret ete edi, Aqnescit rayonınıñ Şumhay köyündeki "Salğır baba" musulman cemaatınıñ ayatında iştirak ete edi. Em Aluşta, em de Aqmescit rayonlarındaki bala bayramlarınıñ teşklilcisi edi.
2019 senesi bozarğan aynıñ 10-unda Kantımırov tutuldı, bundan evel dört qırımtatar adamınıñ evleri tintildi.
2021 senesi arman ayınıñ 16-sında RF Cenübiy bölge arbiy makemesi, Hizb ut-Tahrirniñ "Aluşta gruppası"nıñ iştirakçileri olğan Ruslan Nagayev, Eldar Kantımırov, Ruslan Mesutov ve Lenur Halilovğa üküm çıqardı. Adamlarnı "terror faaliyeti"nde qabaatlap, 13, 12 ve 18 senege maküm etti.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
