İşğal etilgen Qırımda "Ateş" arbiy-partizan areketiniñ agentleri haber aktsiyanı keçirdiler. Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) areket aqqında ve oña nasıl qoşulmaq mümkün olğanı aqqında malümatnen bülletenlerni tarqattılar.
Areket Telegramda bunı bildirdi.
"Yerli sakinler küreşni devam eteler ve Qırımnıñ azat etilmesine işanalar. Telükege ve basqığa baqmadan, Simferopol (Aqmescit — terciman) sakinleri işğalcilerge mında hoş kelmegenlerini köstereler", — dep haberde qayd etildi.
Hatırlatamız ki, oraq ayınıñ 20-nde "Ateş" areketi Rusiyeniñ Tula şeeri yanında demiryol dalında diversiya aqqında bildirdi. Anda trenlerniñ areketini idare etken reley dolabı yoq etildi. Neticesinde, Ukrayinağa qarşı cenkte Tula zavodlarından silâ ve tehnikanıñ berilmesi toqtatıldı, dep haber etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
