Oraq ayınıñ 21-nde saat 13:00-te Qırım köprüişğalciler tarafından qanunsız qurulğan, Tuzla adası ve Tuzla kenarlığı üzerinden Keriç ve Taman yarımadalarını birleştirgen Keriç boğazı boyunca köpürnde işğal etilgen yarımadağa doğru nevbette 1400 maşna tura. Daa 670 maşna Qırımdan çıqmağa tırışa.
Köpürdeki vaziyet aqqında operativ malümatnıñ Telegram kanalı bunı bildirdi.
"Taman tarafında nevbette 1400 naqliyat maşnası tura. Beklev — dört saatke yaqın. Keriç tarafında nevbette 670 naqliyat maşnası tura. Beklev müddeti eki saatten çoq", — dep aytıla haberde.
"Ren TV" Rusiye matbuatı Telegramda bildirdi ki, bu tıqanıqlıq "2022 senesinden berli rekord seviyede" ve kerçekte resmiy menbalar bildirgeninden daa büyük.
Hatırlatamız ki, saba işğal etilgen Qırımğa yolcu demiryol naqliyatınıñ keçiktirilmesi qayd etildi. Hususan, bazı marşrutlarda beklev vaqtı 5 saatten ziyade ola. Rusiye demiryollar şirketi ("RJD") Rostov vilâyetiniñ Kamenolomnâ stantsiyasında UUAleriniñ ücümi sebebinden Rusiyeniñ bütün bölgelerinde 50-den çoq trenniñ keçiktirilgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
