Keriç tarafından Qırım köpründe eki kündir ardı-sıra maşnalar tıqanıqlıqqa oğray. Oraq ayınıñ 11-nde saat 12:00-de 842 maşna nevbette tura. İşğalli akimiyetniñ malümatına köre, beklev müddeti üç saattir.
Köprüdeki vaziyet aqqında operativ malümatnı bergen Telegram kanalı bunı bildirdi.
"Keriç tarafından saat 12:00-ge 842 naqliyat vastası nevbette tura. Beklev müddeti tahminen üç saat. Taman tarafında nevbette 64 maşna tura", — dep aytıla haberde.
RİA "Novosti Krım" neşiriniñ malümatına köre, Qırım köprüişğalciler tarafından qanunsız qurulğan, Tuzla adası ve Tuzla beli üzerinden Keriç ve Taman yarımadalarını birleştirgen Keriç boğazından keçken köpürnden çıqmaq içün nevbet saba saat 7-den başlap arta. Anda havfsızlıq tedbirleri pek yüksek, er angi naqliyat vastası ve çantalar teşkerile.
Evel, oraq ayınıñ 10-nda, Qırımdan çıqmaq içün nevbetlerde 1050 maşna tura edi.
Hatırlatamız ki, "ATEŞ" areketiniñ agentleri işğal etilgen Qırımnıñ Keriç (Lenin) rayonınıñ Uvarov köyü yanında demiryolda diversiya yapqanlarını bildirdiler. Qırım köpründen keçken qısımda rele dolabını yoq ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
