Qırımdan eki sabıq hadim devlet hainligiUkrayina Cinaiy qanunnamesiniñ 111-nci maddesinde qabaatlanğan edi. Tahqiqatnıñ malümatına köre, 2014 senesi olar antnı bozıp, işğalli uquq qorçalayıcı organlarında çalışmağa başladılar. Şimdiki vaqıtta olarnıñ biri Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde), ekincisi ise Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yolbaşçı vazifesinde buluna.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"2009 senesinden berli şübheliler Keriç şeer idaresiniñ cinaiy-qıdırma bölüginiñ ve Ukrayina İçki işler nazirliginiñ Qırım MC Feodosiya (Kirovskıy) rayon bölüginiñ cinaiy-qıdırma sektorınıñ hadimleri ediler. 2014 senesi olar antlarını bozıp, duşman tarafına keçtiler", — dep aytıla haberde.
Tahqiqat malümatına köre, Qırım işğal etilgen soñ şübhelilerden biri "Rusiye İçki işler nazirliginiñ Yevpatoriya (Kezlev — terciman) şeeri bölüginiñ müvekkil yolbaşçısı vazifesini eda etti". 2022 senesi mayıs ayında "Rusiye İçki işler nazirliginiñ "Yevpatoriya" ("Saq") şeerlerara bölügi"niñ reberi, 2025 senesi mayıs ayında ise "Rusiye İçki işler nazirliginiñ Yevpatoriya şeeri bölüginiñ yolbaşçısı" olaraq tayinlendi.
Diger şübheli işğalden soñ Rusiye İçki işler nazirliginiñ "Feodosiya (Kirovskıy) rayonındaki 1-nci polis bölüginiñ yolbaşçısı" vazifesini almağa razı oldı, anda alâ daa çalışa.
"Şübeliler öz areketlerinen istilâcı devletniñ vekillerine Ukrayinağa qarşı bozuv faaliyetini alıp barmağa yardım ettiler, em de Qırımda işğalli uquq qorçalayıcı organları sistemasınıñ meydanğa ketirilmesine ve çalışmasına yardım ettiler. Ukrayina Ceza qanunnamesiniñ 111-1 maddesiniñ 7-nci qısmına istinaden qabaatlav aktı (duşmannen işdeşlik faaliyeti) qayd etilgen "uquq qorçalayıcılardan" birine nisbeten mahkemede baqıla. Mahkeme ögüne taqiqatnı UHHniñ Qırım Muhtar Cumhuriyetindeki Baş idaresinde keçire", — dep QMC Prokurorlığı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
