Oraq ayınıñ 21-nde saba işğal etilgen Qırımğa yolcu demiryol naqliyatınıñ keçiktirilmesi qayd etildi. Hususan, bazı marşrutlarda beklev vaqtı 5 saattan ziyade ola.
Telegramda "Grand Service Express" Rusiye taşıyıcısı, Qırım yönelişinde trenlerniñ areket cedveliniñ bozuluvı aqqında bildirdi.
"Yolculıq vaqtı deñişe bile. Biz onı qısqartmaq içün bütün imkânlardan faydalanamız. İçilecek suvnı suvuqlıqlardan almaq mümkün. Mümkün olsa, yolcularğa aş berile. Birinciden, balalar ve areketleri sıñırlanğan yolcularğa aş bermege tırışamız", — dep aytıla haberde.
Qırım yönelişinde Moskva, Sankt-Peterburg ve Murmansk şeerlerinden 6 tren keç kele. Soñkisi, hususan, endi dört kündir yolda buluna ve beş saatten çoq tura.
Qırımdan Moskva, Sankt-Peterburg, Perm ve Smolensk yönelişine 11 tren keçiktirile. Bekleme müddeti bir saatten dört buçuq saatke qadar.
Rusiye demiryol şirketi ("RJD") Rusiye Federatsiyasınıñ bütün bölgelerinde UUAniñ ücümi sebebinden 50-den çoq trenniñ keçiktirilgenini bildirdi.
"Rostov vilâyetindeki Kamenolomnâ stantsiyasında UUAleriniñ yıqıluvı sebebinden yanğın çıqtı. Yanğınnı söndürmek içün yanğın trenine ücüm etildi. Vaziyet yolcu trenleriniñ areket cedvelini bozdı", — dep "RJD" haberinde qayd etildi.
Ukrayina tarafı Rusiye demiryol astyapısına dronlarnıñ ücüm etüvi aqqında malümatnı resmen izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
