2025 seneniñ altı ay devamında işğalciler Qırım sakinlerine 379 biñ ruble (202 382 grivna) miqdarında cöreme ödettiler. Umumen 5 cöreme yazıldı. 2024 senesi aynı devir içün yigirmi adamğa, 2023 senesi ise 26 adamğa cöreme tayin etildi.
Bu aqta Qırımtatar resurs merkezi tarafından azırlanğan "2025 seneniñ birinci yarısına işğal etilgen Qırımda insan aqları bozuluvınıñ talili"nde qayd etile.
"İşğalcilernen tayin etilgen cöremeler:
- bir qırımlı adamğa Ukraina Prezidenti Volodımır Zelenskiynen içtimaiy ağlarda intervyü derc etkeni içün 45 biñ ruble (malümatlar aydınlatıla);
- Andriy İvkov — 150 biñ rublege, çünki o "Odnoklassniki" içtimaiy ağında "Ukrainağa yardım etti, Silâlı Quvetlerni bekledi, Prezidentni, memleketni aqaretledi ve ordunı itibardan tüşürdi";
- Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı sakini — "rus ordusınıñ itibarını tüşürgeni içün" 40 biñ ruble içün (malümatlar aydınlatıla);
- Çeçek aynıñ 30-da Sevastopolda (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı internet vastası ile Ukraina Silâlı Quvetlerine qol tutqan adam yaqalandı. Oña 5 künge memuriy apis ve 45 biñ ruble cöreme tayin etilgen;
- Oraq aynıñ 17-de rus işğalcileri 19 yaşındaki studentni "rus ordusınıñ itibarını tüşürgeni" ve "ananeviy olmağan cinsiy munasebetlerniñ propagandası" içün 99 biñ ruble cöreme qoydılar, dep qayd etile haberde.
Hatırlatamız ki, Rusiye Federatsiyası Merkeziy Komitetiniñ raportında o, 2025 senesiniñ birinci yarısı devamında işğal etilgen Qırımda zornen ğayıp etüvlerniñ 6 vaqiası aqqında da haber etti. Olardan birisi, qırımtatar halqınıñ vekiline aittir.
Telegram, WhatsApp, Facebook ve YouTube-ta Suspilne Qırım haberlerine abune oluñız
