2025 senesi oraq aynıñ 13-16 künü Qırımda havflı gidrometeorologik adiseler aqqında furtuna aqqında haberdarlıq bütün yarımadada işğalci akimiyeti tarafından ilân etildi.
Bu aqta Qırımnıñ işğal Fevqulâde vaziyetleri nazirliginde bildirdiler.
"Oraq aynıñ 13, 14, 15 ve 16 künü Qırımnıñ ğarbiy, cenübiy, merkeziy ve şarqiy vilâyetleri ve Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeeri soñ derece yanğın havfı astında olacaq", — dep, qayd etile haberde.
İşğalci Fevqulâde vaziyetler nazirligi, quru ot ve çöplükni yaqmaq yasaq etilgenini ayrıca qayd ete ve Qırımda mayısnıñ 1-den başlap belgilengen mahsus yanğın profilaktikası rejiminiñ qaidelerini bozğanları içün memuriy cevapkârlıqnı hatırlata.
Keçken kün içinde Qırımda 19 yanğın qayd etildi, olardan 16 yanğın quru otlarnıñ yanması sebebinden oldı.
Hatırlatamız ki, tünevin, oraq aynıñ 12-de, Aqmescit rayonınıñ Prudove köyünde orman çöplügi ve quru otlar yandı – yanğınnıñ meydanlığı 40 gektardan ziyade. İşğalci Qırım Fevqulâde vaziyetler nazirliginiñ malümatına köre, yanğınnı yoq etmek içün aviatsiya iştirak etti. Oraq aynıñ 13 sabasına köre yanğın söndürüvi devam ete. Sevastopolden (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı qoşma yanğın söndüriciler qoşuldı.
Telegram, WhatsApp, Facebook ve YouTube-ta Suspilne Qırım haberlerine abune oluñız
