2025 seneniñ birinci yarısı devamında işğal etilgen Qırımda mecburiy ğayıp etüviniñ 6 adise qayd etildi. Olardan birisi, qırımtatar halqınıñ vekiline aittir.
Bu aqta Qırımtatar resurs merkezi tarafından azırlanğan "2025 seneniñ birinci yarısına işğal etilgen Qırımda insan aq-uquqları bozulmalarınıñ talili"-nde qayd etile.
QRM, ğayıp olğanlarnıñ adlarını da çıqardı: Anatoliy Kobzar, Susanna İsmailova, Natalya Polüh, Oleg Platonov, Serğiy Ghrişçenkov, Tamara Çernuha.
Hatırlatamız ki, QRM-niñ malümatına köre, 2025 seneniñ birinci altı ay devamında işğal etilgen Qırımda 99 adam yaqalandı, olarnıñ arasında 48 qırımtatar. Teñeştirmek içün: 2024 senesi, aynı şu devirde, 92 adam tutuldı, 2023 senesi – 140.
Telegram, WhatsApp, Facebook ve YouTube-ta Suspilne Qırım haberlerine abune oluñız
