"Qırımnıñ canlı mirası. Adetler" leyhası üç seriyadan ibaret olacaq – "Merasimler", "Esnaflar", "Aşhane". Qırımtatar medeniyeti aqqında vesiqalı serialnıñ rejissörı Serğiy Şarayevskiy oldı. Andriy Kokotüha filmniñ stsenaristidir.
Bu aqta leyhanıñ resmiy Facebook saifesinde bildirile.
Bu leyhada köllevktiv, qırımtatar halqınıñ kündelik ayatınıñ tarihiy rekonstruktsiyasına diqqat ayırmağa planlaştıra.
"Müellifler tek mirasnı yazıp almağa degil de, seyircige onıñ quvetini, canlı ğayreti ve zemaneviy aktualligini duydurmağa tırışalar", — denile beyanatta.
"Qırımnıñ canlı mirası. Adetler" leyhasınıñ müdiri Serğiy Şarayevskiy oldı. Onıñ evelki "Or artında. Devlet" adlı eserini Youtube kanalında serbest seyir etmek mümkün. Yañı iş belli bir derece evelkisini devam etecek, dey rejissör.
"Bu menim Qırımğa bağışlanğan ekinci rejissörlıq leyham. Daa doğrusı, qırımtatar halqınıñ tarihı. Atta evelki film üzerinde çalışqanda, bu medeniyetniñ terenligi ve zenginligi meni taaciplendirdi. Olarda nasıl ananeler bar? Nasıl sanat? Ve, soñunda, aqiqiy qırımtatar qavesiniñ dadı nasıl? Yañı vesiqalı qısqa serialımızda bu ve daa çoq suallerge cevap tapmağa tırışarmız", — dep itiraf ete Şarayevskiy.
Vesiqalı leyha, ayrı mevzularda üç seriyadan ibaret olacaq – "Qırımnıñ canlı mirası. Merasimler", "Qırımnıñ canlı mirası. Esnaflar", "Qırımnıñ canlı mirası. Aşhane".
Leyha üzerinde Serğiyy Şarayevskiyden ğayrı, stsenarist Andriy Kokotüha, qırımtatar mevzusında mesleatçısı Mavile Halilova ve leyha idarecesi Oksana İsidorova çalışacaqlar. Olardan ğayrı bu mevzularda mütehassıslar – tedqiqatçılar, sanatşınaslar, din erbapları ve qırımtatar cemiyetiniñ vekilleri celp etile.
Video formatından ğayrı, körmek qabiliyeti zayıf olğan insanlar içün uyğunlaştırılğan audio variantı yaratılacaq.
Telegram, WhatsApp, Facebook ve YouTube-ta Suspilne Qırım haberlerine abune oluñız
