"Serbest Qırımğa mektüpler" teşebbüsi çerçivesinde siyasiy mabüs Ernes Ametovnıñ mektübini rejissör Nadiya Parfan oqudı. Onı Simferopoldan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adten) Rostov-na-Donuğa alıp kettiler ve andaki 1-nci SİZOda mektüp yazdı.
Ukrayina prezidentiniñ Qırımdaki temsilciligi bunı bildirdi.
Hatırlatamız ki, Ametov, terrorizmde qabaatlanıp, qanunsız şekilde sert rejimli müstemlekede 11 yılğa ve 1 yılğa azatlıqtan marum etilmesine qanunsız olaraq üküm etildi.
"2023 senesi mayıs ayında nevbetteki muracaatından soñ Ernes Ametovnı Qırımdan 2000 kilometr uzaqlıqta bulunğan Rusiye Federatsiyasınıñ Vologda vilâyetiniñ Şeksna qasabasındaki 12-nci tüzetüv müstemlekesine etap ettiler. Siyasiy mabüsniñ sağlıq vaziyeti fenalaşa: Rusiye apishanesinde bulunğan vaqtında o 10 kilogramm azlaştı", — dep aytıla haberde.
Ametovnıñ mektübinde o, etap vaqtında başından keçken zorbalıqlar aqqında tarif ete.
"Simferopol SİZOsında qanunsız tintüvden soñ, soyunmağa rica etken soñ, meni avtozaknıñ 50x50 santimetrlik "stakanıavkozaktaki kamera"na yerleştirdiler. Bu stakanda, divardan 25 santimetr uzaqlığında, tek bir alda oturmaq mümkün olğan bir skemle bar edi. Ve yolnıñ yarısını yarım egilgen alda keçmek zorunda qaldım. Qısqa aytqanda, insanğa yapılğan zulum. Naqliyat özü maña bu devlet içün kim olğanımnı añlata", — dep yaza o.
Hatırlatamız ki, "Serbest Qırımğa mektüpler" teşebbüsi Rusiye apishanelerinde qanunsız tutulğan Kreml mabüslerine 221 mektüp topladı. Olarnı Ukrayina Prezidentiniñ halqara teşkilâtlar yanındaki Temsilciligi tarafından teşkil etilgen tedbirler vaqtında Viyanada yolladılar.
"Serbest Qırımğa mektüpler" aktsiyası 2023 senesi çiçek ayında başlandı. 2024 senesi devamında ukrayinalılar ve çetelde yaşağan Ukrayina dostları 1800-den çoq destek mektübini yazdı. Teşebbüs Ukrayina Prezidentiniñ Qırım Muhtar Cumhuriyetindeki Temsilciligi, PEN Ukraine, ZMINA İnsan aqları merkezi, Crimea Daily, QırımSOS, Qırım esnası ve diger ortaqlarnıñ umumiy ğayretleri sayesinde kerçekleştirile.
Ernes Ametov aqqında ne bilemiz
2020 senesi "ekinci Bağçasaray gruppası"nıñ iştirakçilerinen bağlı makeme oturışında onı azat ettiler ve qabaat delilleri olmağanı içün makeme zalından yiberdiler. Bu, tek Qırımda degil, bütün Rusiyede Hizb ut-Tahrir davasında böyle ilk vaqia edi. Amma 2022 senesi saban ayında apellâtsiya makemesi, Cenübiy bölge arbiy makemesiniñ ükümini deñiştirdi ve davasını yañıdan baqmağa qarar berdi.
Çiçek ayınıñ 11-inde o, makeme zalına yetti. Ernes Ametov, ekici baqıluvnen bağlı evelki oturışqa göñülli olaraq keldi. Makemeci Oleksiy Mağomadov, qırımtatar adamını eki ayğa tevqif etti.
Prokurorcılıq Ametovnı terrorcı bir teşkilâtta iştirak etmege ve Qırımda hükümet avdarmasını yapmağa tırışmağa qabaatladı. Qırımtata adamı, bu cinayetlerge ait olmasını red etti.
Vlasiha şeerindeki Rusiye apellâtsiya arbiy makemesi, içtimaiy jurnalist Ernes Ametovnıñ ükümini deñiştirmedi. Keçenlerde "Hizb ut-Tahrir davası"na köre RF Cenübiy bölge arbiy makemesi onı şiddetli rejimli müstemlekede 11 senege maküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
