Rusiyede 18 yıl apis cezasına mahküm etilgen Qırım siyasiy mabüsi Şaban Umerov Murmansktaki 17-nci müstemlekede ağır sağlıq meselelerini çeke. O, protez tişleri içün ortodont mesleatına muhtac ve daima yüksek qan basımı içün ilâc almalı.
Onıñ apayı Zarema Umerova "Qırım birdemligi"ne bu aqqında tarif etti.
"Umüt etemiz ki, protez meselesi çezilir", — dedi o.
Onıñ aytqanına köre, Umerovğa ortodont yardımı kerek, çünki tişleri normal aşamağa imkân bermey. Bundan da ğayrı, mabüs yüksek qan basımından ve daima ilâc almaq mecbur.
Mahküm etilgen maddelerniñ ciddiyligine baqmadan, müstemleke reberligi Umerovnı profilaktik cedvelge aldı. Amma oña areket terzı cezası berilmedi.
Şaban Umerov aqqında ne bilemiz
Şaban Umerov 2019 senesi saban ayınıñ 27-nde Qırımda qırımtatarlarnıñ evlerinde keçirilgen tintüvlerden soñ tutuldı. Onıñnen beraber uquq qorçalayıcı organlarınıñ hadimleri daa 20-den çoq qırımtatar cemaat faalcisini tuttılar.
2022 senesi saban ayında Cenübiy bölge arbiy makemesi oña Rusiye Ceza kodeksiniñ 205.5 maddesine binaen 18 yıl apis cezasını berdi. Ükümge binaen, Şabanov beş yıl apishanede, qalğanını ise koloniyada keçirecek edi.
2023 senesi martnıñ 28-nde Apellâtsiya arbiy makemesi Cenübiy bölge arbiy makemesiniñ qararını deñiştirmedi.
Dava malümatına köre, qabaatlanğanlarnıñ elinde silâ, patlayıcı, arbiy yedekler yoq edi, olar terror areketini yapmağa planlaştırmay ediler ve başqalarnı terror areketlerine çağıra ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
