"ATEŞ" arbiy-partizan areketi haber berdi ki, Rusiye Qara deñiz flotunıñ areketini Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Striletska körfezinde taqip etti. Ruslar körfezni çekiciler ve küçük patrul qayıqları içün qullanalar.
Areket Telegramda bunı bildirdi.
"Soñki vaqıtları körfez aman-aman boş. Sevastopolda işğalli flotnıñ bozulması daa çoq körüne. Eskiden çoq arbiy gemi olğan Striletska körfezi şimdi toqtatıldı. Ara-sıra anda diversiyağa qarşı mudafaa esaplamalarınıñ talimleri keçirile. Sevastopolda qalğan ve Ukrayina mudafaa quvetleri içün maqsat ola bilecek arbiy gemilerni deñiştire ve gizlemege tırışalar", — dep aytıla haberde.
Hatırlatamız ki, oraq ayınıñ 7-nde areket bildirdi ki, agentleri neft taşığan "talda flotu"nı ozğarğan Rusiye Qara deñiz flotunıñ gemileriniñ arbiy hızmetleri aqqında vesiqalarnı aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
