2014 senesinden berli işğal etilgen Qırımğa 11 biñge qadar belarus köçip keldi. Böylece, beloruslar ruslar, ukrayinler ve qırımtatarlardan soñ işğal etilgen yarımadanıñ ealisiniñ sayısına köre dörtünci oldılar.
"TASS" Rusiye haber agentligine "Qırım belorusları" teşkilâtınıñ reisi, "Qırım cemaat palatası"nıñ reisiniñ muavini Roman Çegrınets bunı bildirdi.
Onıñ aytqanına köre, belaruslar daa evel Qırımda yaşay ediler, amma daa bir köçüv dalğası 2014 senesi yarımada Rusiye tarafından işğal etilgen soñ oldı. O vaqıt "vatanperverlik" dalğasında belaruslarnıñ bir qısmı Rusiye pasportlarını aldı. Onıñ malümatına köre, 2014 senesinden soñ Qırımğa Belarusiye Cumhuriyetiniñ tahminen 11 biñ vatandaşı köçti.
"2014 senesi, Ukrayina ve Rusiyeniñ farqlı cedvelge aluv malümatına köre, Qırımda 40 ve 25 biñ belarus yaşay edi. Bunıñ sebebi, birinciden, vatanperverlik dalğasında çoqusı özüni rus olaraq qayd etkenidir. Umumen alğanda, Qırımda eñ azından 40-45 biñ belarus yaşay — olarnıñ arasında Rusiye vatandaşlığını alğan ve almağanlar bar", — dedi Çegrınets.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
