Qırım köpründe saat 14:00-ke qadar 1450 maşna teşkerüvni bekley. İşğalli akimiyet tenbiyeledi ki, Qırımdan çıqmaq içün aydavcılarnıñ eñ az beklev vaqtı eki saat ola. İçeri kirmek içün tahminen üç saat.
Köprüdeki vaziyet aqqında operativ malümatnıñ Telegram kanalı bunı bildirdi.
"Taman tarafında nevbette 980 maşna tura. Bekleme müddeti tahminen üç saat. Keriç tarafından nevbette 470 naqliyat tura. Beklev müddeti eki saatqa yaqın", — dep aytıla haberde.
Telegram kanalınıñ malümatına köre, Qırımğa kiriş içün nevbetler oraq ayınıñ 7-nde saba peyda oldı. RİA "Novosti Krım"nıñ haber etkenine köre, Qırım köprüişğalciler tarafından qanunsız qurulğan, Tuzla adası ve Tuzla beli üzerinden Keriç ve Taman yarımadalarını birleştirgen Keriç boğazı boyunca köpürnde naqliyat telükesizligi tedbirleri quvetleştirildi, er bir naqliyat vastası ve yolcularnıñ bagajı teşkerile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
